გ ი მ ა ი ო / GIMAIO

ფანჯრის გაღებამ გამაღვიძა. გარეთ წვიმდა, ძლიერი ქარი ქროდა და ცა ჩამუქებული ღრუბლებით იყო მოფენილი. ფანჯრის დასაკეტად ავდექი და სადღაც ღრმად ვიგრძენი, რომ ამინდი და მე ზუსტად ერთნაირ ხასიათზე ვიყავით. მინდოდა ძილი შემებრუნებინა, თავისუფალი პროფესიის წარმომადგენელი ვარ - მხატვარი. ისევ ახალგაზრდა მხატვარს მეძახიან, მაგრამ ახალგაზრდა ნამდვილად აღარ ვარ, 30-ს გადავაბიჯე. რაც არ უნდა დახატო, მაინც უკმაყოფილო ხარ კაცი; მერე ელოდები, როდის გაგეყიდება რამე, ოჯახს რჩენა უნდა, რასაც გაჭირვებით ვახერხებ. სასმელი და მოსაწევი მეხმარება დეპრესიული შემოტევების დაძლევაში. გუშინაც დავთვერი, ცოლსაც უაზროდ ვეჩხუბე, ამიტომ ეტყობა ბავშვის ოთახში ძინავს. ავდექი. ფანჯარასთან მივედი. უცებ მომინდა მინაზე მზე დამეხატა ყვითელი ფლომასტერით, აი ისეთი ბავშვური მზე, მრგვალი რომაა და სხივებით. იქვე ჩემ ტელეფონს მოვკარი თვალი, ავიღე, მზე დავგუგლე და სურათებში გადავედი. რამდენნაირი მზე იყო თავისი ყვითელი-წითელი-ნარინჯისფერით, უცნაური ლაქებითა და ნათებით. ზეთის საღებავები მოვიმარჯვე და დავიწყე ხატვა; ალბათ ერთი სა...

მოგელამებით, ჩემო მკითხველო! ეს არის მხატვრული ჩანახატი, შესაბამისად ნებისმიერი მსგავსება რეალურ ფაქტთან ან პიროვნებასთან არის შემთხვევითი. ადამიანი სიკეთეს უნდა თესავდეს , ეს ერთი შეხედვით გაცვეთილი ფრაზა , სინამდვილეში უმნიშვნელოვანესი გეზია ჩვენი ცხოვრების , მაგრამ ამას ძირითადად მაშინ ვხვდებით , როდესაც უკვე დაგვიანებულია . ამ ფიქრებში გართულს რაღაცის კარგის გაკეთება მომინდა და გადავწყვიტე , მოდი ჯერ ცოტა მოვიპრანჭები და სარკეს მივაშურე , ჩავიხედე კიდეც , მაგრამ სარკეში ვერავინ დავინახე .  არ გამიკვირდა , რადგანაც გამახსენდა , რაც მოხდა . იმ საღამოს   გალეწილი მთვრალი   მოვიდა ჩემი ქმარი , მივხვდი მშვიდი ღამე არ მელოდა , თან დაღლილი ვიყავი , ჩვილს ვზრდიდი და შემდეგ კურსზე გადამსვლელი გამოცდებისათვის ვემზადებოდი . არც მახსოვს , რაზე დავიწყეთ კამათი , მეც ავყევი , მერე წამებღლაძუნა , ხელი გავ ა წევინე . რადგანაც ნასვამი იყო . ხელი მკლავებში მომიჭირა და საწოლისაკენ წამიყვანა. მომეშვი , შევკივლ...